【試過幾月零收入】食住靠屋企 33歲衛詩雅爆喊對唔住爸媽：好冇用

呢日見到Michelle衛詩雅行街睇衫，身邊有四個工作人員陪住，好架勢！咁又係，話晒Michelle喺影壇企穩陣腳，每年有五、六套戲做女主角，賺到錢，公司自己會對你好。不過，本身慳開嘅佢，就算四個人陪佢shopping，佢都只係齋行齋睇同齋試！「本身我真係好慳嘅，之前做嘢啲錢會儲起，咁我就慢慢用，慢慢用。做嘢有衫，有時又可以借衫。」

入咗行十年，近年先開始搵到嘅Michelle，喊住咁話最對唔住嘅係爸爸媽媽。「因為而家三十幾歲，我會覺得有陣時可能，爸爸媽媽係講笑咁樣，你快啲拍拖啦，我唔介意你收入，我會覺得咁大個女要佢哋擔心，我會覺得好冇用。」唔知Michelle試過幾多個月係零收入嘅呢？「我試過幾個月啦，兩、三個月冇收入，我哋有墊支嘅，幾千蚊。」今年三十三歲，佢仲同緊屋企人住，都係因為…「我唔出街可以唔用錢，咁我同媽咪住咪唔使食飯，屋企有飯食。」佢啲同事叫佢做「牌王」，因為佢咩嘢牌都有，車牌、船主「大偈牌」、潛水牌、導遊牌等，隨時冇嘢撈都可以轉行。「其實我有咁多牌嘅原因，係因為我一有時間，覺得唔做一啲嘢就好浪費，所以考牌最實際！」

攝錄：余一駱

立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...