【自爆有人追！】阿媽心急催婚 37歲胡定欣：只欠時間同對方了解

現年37歲嘅胡定欣，自從16年宣布與拍拖1年多嘅音樂人陳明道（Terry）分手後，感情一直未有著落。多年嚟，胡媽媽都冇俾壓力愛女，直到舊年細佬爬佢頭結婚，胡媽媽終於心急催婚喇！唔怪得連佢自己都話，「以前媽咪唔會問我有冇人追，而家會問喇！感情事真係急唔嚟，一急就會揀選錯，隨緣啦。」對於愛情，胡定欣一直抱住寧缺莫濫嘅態度，不過，最近終於有啲眉目，「而家係有男仔追，只係爭個好時間去認識、了解！始終事業忙係一個因素。」一直都忙，怕唔怕對方等唔到呢？佢就話：「如果對方連等吓都唔得，就代表唔係對的人。」胡定欣直認自己在感情上很任性，很多時都沒有理對方感受，「過往嘅感情我都好愛惜另一半，但有時自己都想被關心、被寵愛多啲啲，就會做出一啲任性行為，就係呢份任性，令你身邊嘅人會唔開心，適當嘅任性係可以，但唔可以影響同傷害到其他人。」
入行20年，胡定欣拍過幾次拖，包括初出道時同吳浩康拍拖，06年分手。09年，胡定欣同馬國明玩地下情，兩人一直唔承認戀情，11年分手。12年，胡定欣同圈外公關沈栢淳拍拖，14年宣布再見亦是朋友。15年，同音樂人陳明道（Terry）撻著，拍拖一年多後分手。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app


《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...