About 3 channels for "АВФ"

《V.I.P.》《BAXTALE》《ROMA》 авф

​​Эй, дунё ахтариб толиққан дўстим, Тинглагин, юракдан бор айтар сўзим. Фақат, оғрингмагин, гар малол келса, Дўппи топилади бош омон бўлса. Ҳаётнинг маъноси мол-у давлатмас, Инсоннинг баҳоси қуруқ савлатмас, Фақат шу сўзларни мағзин чақсанг бас, Дўппи топилади бош омон бўлса. Боқсанг ён-атрофга турли ғовғолар, Бойликнинг ишқида харом савдолар, Бу дунё сендан ҳам, мендан ҳам қолар, Дўппи топилади бош омон бўлса. Савоб йиғ, савобни сотиб олмайсан, Ҳурматни даъфатан топиб олмайсан, Икки эшик аро мангу қолмайсан, Дўппи топилади бош омон бўлса. Бойлик деб иймонин ютганни кўрдим, Пул топиб гадодек ўтганни кўрдим, Мен сўрсам, Худодан фақат авф сўрдим Дўппи топилади бош омон бўлса. Алдансанг, алдабон жавоб қайтарма, Ўз ўрнин билмасдан меҳр ахтарма, Пасткашнинг ёнига паст бўлиб борма, Дўппи топилади бош омон бўлса. Бойлик деб чопишиб ким унга тўйган, Нафсга қул икки кўз бир-бирин ўйган, Баҳтлидур нафснимас, қадрини суйган, Дўппи топилади бош омон бўлса.